RECENT ARTICLES
Katsina 398 · May 19, 2017
Katsina 250 · May 19, 2017
Sharhus sunnah 839 · April 19, 2017
TA YI ZINA, TANA TAKABA? 3,023 · April 02, 2017
HUKUNCIN KACIYAR MATA? 3,230 · March 30, 2017

NA JONA SALLATA DA TA MAMU, BAYAN AN GAMA SALLAR JAM'I, SHIN TA INGANTA ?

Tambaya : Slm malam.Shin ya halatta abi wanda bai samu cikakken jam'i ba sallah? Misali,na zo masallaci na taradda jam'i na sallar asr saura raka'a 2, da aka idar na mike tsaye don karasa raka'a 2 da ta ragemin, sai ga makararre ya sake hada jam'i da ni. Shin wannan jam'in na 2 ya halatta? Idan ya halatta, tare da hujjoji. Amsa : To dan'uwa malamai sun yi sabani akan wannan mas'alar zuwa zantuka guda biyu : Malaman Hanafiyya da Malikiyya, sun tafi akan haramcin hakan, saboda ba'a samu magabata suna yi ba, sannan kuma shi masabuki ba liman ba ne, Annabi s.a.w. kuma ya yi umarni da bin liman ne kawai, sannan hakan zai iya jawowa sallah ta ki karewa, tun da wanda ya bi masabuki, shi ma in ya gama yana ramako wani zai iya zuwa ya bi shi, don haka sai ya haramta . Duba Fathul-kadeer 1\277 da kuma Mawahibul-jalil 4\489. Malaman Shafi'iyya da kuma Hanabila a mafi ingancin zancensu, sun tafi akan halaccin hakan, saboda hadisin Ibnu Abbas lokacin da ya ga Annabi yana sallah da daddare sai ya bi shi, kamar yadda Bukhari ya rawaito a hadisi mai lamba ta :666, A wannan hadisin za mu fahimci cewa ya halatta mutum ya zama liman a tsakiyar sallah, ko da kuwa bai yi niyyar hakan ba tun daga farko, tun da Annabi s.a.w bai hana Ibnu Abbas ba lokacin da ya bi shi, tare da cewa ba su fara da shi ba, sannan kuma duk lokacin da masabuki ya rabu da liman to yana daukar hukuncin mai sallah shi kadai ne, don haka sai ya halatta a bi shi . Duba Nihayatul-muhtajj 2\233 da kuma Insaf 2\36. Zancen da ya fi inganci shi ne zance na biyu saboda abin da ya gabata da kuma hadisan da suke nuna falalar sallar jam'i. Allah ne mafi sani . Jamilu Zarewa

by: Muhammad Basheer Ridwan · 875 · August 27, 2016

Darulfikr on Facebook

Like our page on facebook for daily updates. Darulfikr is your for propagation of Islam. Preach in Islam without been a scholar by sharing our fruitful updates to Muslim Ummah

For complaint, Suggestion or Advice +234 813954 5853